ჩაი და ყავა თირკმლის კიბოს განვითარების რისკს ამცირებს

ჩაი და ყავა თირკმლის კიბოს განვითარების რისკს ამცირებს

ჰარვარდის უნივერსიტეტის სამედიცინო სკოლის მეცნიერები ამტკიცებენ, რომ ჩაისა და

ყავის მოყვარულები თირკმლის კიბოთი უფრო იშვიათად ავადდებიან, ვიდრე ამ სასმელების მცირე რაოდენობით მომხმარებლები.

მკვლევარებმა 770 ათასი ადამიანის მომცველი 13 გრძელვადიანი კვლევის შედეგები შეისწავლეს. შედეგად დაადგინეს, რომ ადამიანებს, რომლებიც ყოველდღიურად საშუალოდ სამ და მეტ ჭიქა ყავას (240მლ მოცულობით) მიირთმევდნენ, თირკმლის კიბო განუვითარდათ 16%-ით ნაკლებ შემთხვევაში, იმ ადამიანებთან შედარებით, რომლებიც ყავას სვამდნენ მხოლოდ ერთხელ დღეში ან უფრო იშვიათად. ყოველდღიურად თუნდაც ერთი ჭიქა ჩაის მიღება უკავშირდება ონკოლოგიური დაავადებების განვითარების რისკის 15%-ით შემცირებას. რძე, გამაგრილებელი სასმელები და წვენები ავადმყოფობის სიხშირეზე არავითარ გავლენას არ ახდენს.

მეცნიერთა აზრით, ჩაისა და ყავის ანტისიმსივნური თვისება შეიძლება დაკავშირებული იყოს ორივე სასმელის უნართან, გაზარდოს ორგანიზმის ქსოვილების მგრძლობელობა ინსულინის მიმართ. ამ ჰორმონის დონის მომატება კიბოს მრავალი სახეობის რისკ-ფაქტორად ითვლება.

სტატია აღებულია საიტიდან www.medportal.ge