среда, 6 августа 2014 г.

სისხლის ანალიზის ახალი მეთოდით შესაძლებელია კიბოს ერთადერთი უჯრედის ამოცნობა მილიონ ჯანმრთელ უჯრედს შორის

სისხლის ანალიზის ახალი მეთოდით შესაძლებელია კიბოს ერთადერთი უჯრედის ამოცნობა მილიონ ჯანმრთელ უჯრედს შორის


აშშ-ში შეიმუშავეს სისხლის ანალიზის ახალი მეთოდი, რომელიც მილიონ ჯანმრთელ

უჯრედს შორის კიბოს ერთადერთი უჯრედის ამოცნობის საშუალებას იძლევა. ახალ მეთოდს საფუძვლად უდევს მიკროჩიპის გამოყენება, რომელიც მიკროსკოპის სასაგნე მინის მსგავსია და წებოვანი ნივთიერებით დაფარული ათასი მიკრო-ნემსის შემცველია. იგი აკავებს კიბოს უჯრედებს სისხლის მიკროჩიპში გავლის დროს.
კომპანია Johnson&Johnson-ის სპეციალისტები, რომლებიც თანამშრომლობდნენ მასაჩუსეტსის მთავარი ჰოსპიტლის მედიკოსებთან და კომპანია Veridex-თან, აცხადებენ, რომ აღნიშნული ტესტი ხელს შეუწყობს კიბოს მრავალი სახეობის გამოვლენას, რომელთა შორის უპირველესია, სარძევე ჯირკვლის, პროსტატის, მსხვილი ნაწლავისა და ფილტვის კიბო.
“ახალი ტექნოლოგიის დახმარებით, არაინვაზიური სისხლის ანალიზის შედეგებიდან გამომდინარე, ჩვენ შევძლებთ სიმსივნური უჯრედების კონტროლს და ამ უჯრედების ბიოლოგიურ კვლევას”, - ამბობს კომპანია Veridex - ის ინოვაციური კვლევების განყოფილების ხელმძღვანელი რობერტ მაკკორმაკი.
მისივე თქმით - “ამ უჯრედებით მიღებული ინფორმაცია კლინიკურ პირობებში იმ ინსტრუმენტების მოძებნის საშუალებას მოგვცემს, რომელიც ხელს შეუწყობს სწორი და დროული მკურნალობის არჩევას, ასევე, გამოყენებულ სამედიცინო ზემოქმედებაზე პაციენტის რეაქციის კონტროლის განხორციელებას”.
სტატია აღებულია საიტიდან www.medportal.ge

Комментариев нет:

Отправить комментарий