ართრიტის სამკურნალო საშუალება კანის კიბოს წინააღმდეგ

ართრიტის სამკურნალო საშუალება კანის კიბოს წინააღმდეგ

ამერიკულ-ბრიტანული კვლევის მიხედვით, ართრიტის სამკურნალოდ გამოყენებულ
პრეპარატს შეუძლია კანის კიბოს დამარცხება, სიმსივნის გავრცელების აღკვეთა, იტყობინება The Daily Mail.

პრეპარატმა ლეფლუნომიდმა შეძლო მელანომის ზრდის შეჩერება ექსპერიმენტულ ცხოველებში. ეფექტი იზრდებოდა როდესაც ლეფლუნომიდთან ერთად ხდებოდა მელანომის საწინააღმდეგო ექსპერიმენტული წამლის PLX4720-ის შეყვანაც. მეცნიერები თვლიან, რომ შედეგები ძალიან საიმედოა და რადგან ლეფლუნომიდი უკვე ლიცენზირებულია, მელანომის საწინააღმდეგო ახალი საშუალება უახლოეს ხუთ წელიწადში იქნება ხელმისაწვდომი.

კვლევის ერთ-ერთი მონაწილე დოქტორი გრანტ უილერი აღნიშნავს, რომ მელანომის გამო სიკვდილიანობა მუდმივად მატულობს. მხოლოდ დიდ ბრიტანეთში ყოველწლიურად ამ დაავადების 10 000-ზე მეტი შემთხვევის დიაგნოსტირება ხდება, ოპერაცია უშედეგოა და მელანომის მეორადად განვითარების შედეგად 2000 ადამიანი იღუპება.

სტატია აღებულია საიტიდან www.medportal.ge