იაფფასიანი საკითხავი სათვალეები სახიფათოა მხედველობის გაუარესების და ტვინის კიბოს განვითარების თვალსაზრისით

იაფფასიანი საკითხავი სათვალეები სახიფათოა მხედველობის გაუარესების და ტვინის კიბოს განვითარების თვალსაზრისით

იაფფასიანი საკითხავი სათვალეები ფულის ეკონომიას გვიწევს ხანმოკლე

პერსპექტივით, მაგრამ საბოლოო ანგარიშით, ძვირი უჯდება ჩვენს მხედველობას. ასეთი იაფი სათვალეების მეპატრონეებს ხშირად აღენიშნებათ თავის ტკივილები, ბუნდოვანი მხედველობა და ზოგჯერ გაორებაც კი, წერს The Daily Mail. მაგ. დიდ ბრიტანეთში კარგი სათვალის ფასი აღწევს 100 ფუნტს. ადამიანი ითვალისწინებს იმას, რომ სათვალე შეიძლება დაკარგოს ან გაუტყდეს და ამიტომაც ამჯობინებს საკითხავად რამდენიმე იაფფსაიანი სათვალის შეძენას. ამასთან, ასეთი საკითხავი სათვალეების შეძენა აუცილებელი ხდება 50 წელს გადაცილებული ადამიანთა უმეტესობისათვის. 

შემოწმებული იქნა 7 სხვადასხვა მაღაზიაში შეძენილი 14 წყვილი სათვალე - ნახევარი უვარგისი აღმოჩნდა. ზოგიერთ მათგანში რეალური მაჩვენებელი არ ემთხვეოდა შეფუთვაზე აღნიშნულ მაჩვენებელს, სხვებში შეუძლებელი იყო ლინზის ცენტრალური წერტილის განსაზღვრა. ერთში აღინიშნა დიდი განსხვავება ორ ლინზას შორის. ასევე უხარისხოდ იყო ჩასმული მინები ჩარჩოებში.

ექსპერტები ადამიანებს ურჩევენ სათვალეების შეძენისას საფუძვლიანად შეამოწმონ ისინი, ასევე მიიღონ კონსულტაცია მხედველობის კორექციის სპეციალისტისაგან. წინააღმდეგ შემთხვევაში, არსებობს ისეთი სერიოზული დაავადების შეძენის შანსი, როგორიცაა კატარაქტა და ტვინის სიმსივნე.

სტატია აღებულია საიტიდან www.medportal.ge